Pizzoccheri

  • 2h 30min
  • 4 purziuns
  • vegan

Ingredienzas

Pasta:

  • 200 g frina da haida
  • 100 g frina
  • 1 tschadun pign sal
  • 1 tschadun grond ieli d'olivas
  • 1,5 dl aua tievgia
  • 2 truffels
  • 2 rieblas
  • 200 g spinat
  • 50 g ieli d'olivas
  • 2 cons d'agl tagliai fin
  • enzacons fegls da salvgia tagliai fin

Glasura da levon:

  • 4 tschaduns gronds ieli d'olivas
  • 3 tschaduns gronds frina
  • 2.5 dl aua
  • 1 tschadun pign mustarda
  • 7 tschaduns gronds floccas da levon
  • empau sal
  • miscat
  • curcuma

Preparaziun

  1. Mischedar las frinas ed il sal, aschuntar igl ieli e l'aua e turschar 10 minutas. Schar ruassar la pasta 30 minutas.
  2. Springir frina sin meisa e zullar ora la pasta sin ca. 2 mm. Tagliar la pasta en sdremas da 10 × 1 cm.
  3. Schar buglir l'aua da sal e metter lien il spinat manizzaus grop, las rieblas tagliadas finas, ed ils truffels tagliai en quadrels. Aschuntar las sdremas da pasta suenter tschun minutas e schar cuer ca. 12 minutas. Derscher giu l'aua ed emplenir ils pizzoccheris en ina fuorma da gratin unschida cun ieli.
  4. Far vegnir brins ils cons d'agl ed ils fegls da salvgia tagliai fin en ieli d'olivas e derscher sur ils pizzoccheris.
  5. Scaldar igl ieli d'olivas en ina cazzetta e turschar lien la frina per la glasura da levon. Tener turschau incuntin, aschuntar l'aua e schar buglir si. Aschuntar las ingredienzas restontas, turschar e derscher sur ils pizzoccheris. Gratinar 10 minutas en fuorn sin 200°C.