Beinvegni sin mia website! Jeu sun Ada e quella website ei part da mia lavur da matura, nua ch'jeu cumbineschel mia pissiun pil cuschinar vegan cun recepts tradiziunals grischunes. Mia finamira ei da mussar che spisas tradiziunalas san era gustar bein en fuorma vegana. Cun mes recepts vi jeu presentar a ti ina retscha d'alternativas veganas per las spisas popularas da nossa regiun. Mia decisiun da seconcentrar sin recepts vegans basescha sin miu interess per la protecziun d'animals e per la midada dil clima. In nutriment vegetal contribuescha ad ina sminuziun dalla tegnida d'animals e dallas consequenzas negativas sil clima colligiadas cun quella. Cun presentar recepts vegans vi jeu augmentar la cunscienzia per quels temas impurtonts e prestar ina contribuziun positiva pil mund d'ils animals e nies planet. Jeu sperel che ti anflies recepts inspironts e delizius sin mia website.